حوار بين ثنين سمعهم خفيف

بسم الله الرحمن الرحيم

السلام عليكم ورحمته وبركاته



اليوم جايبه حوار بين اثنين طرشان سمعهم بنازل معاهم








وبالصدفه لقيت هذا الحوار

جبتلكم ايه
نبداء الحوار


الاول : الاوتوبيس ده بيروح مصر الجديدة

الثاني : على الحديدة !! ...ليه انت طالب احسان

الاول : بذرة الكتان !! لا .. دي تلاقيها عند العطار

الثاني : جزار !! اه .. قوللي كدة .. عايز تشتري لحمة

الاول : معك حق .. الدنيا زحمة .. علشان ده ميعاد خروج الموظفين

الثاني : نور الدين !! لا والله .... ماعرفوش

الاول : ما بتشربوش !! ليه كفا الله الشر

الثاني : رأس البر !! .... ده مصيف هادي

الاول : عايز تركب للمعادي ... دي منطقة جميلة

الثاني : بليلة !! انت شكلك جعان

الاول : عيّان !! اه والله ... انت باين عليك عيّان ... طيب ماتروح للدكتور

الثاني : الحنطور !! ده أحسن من الاتوبيس ، و بيوصلني لحد الباب

الاول : هباب !! و انا اللي كنت فاكرك محترم

الثاني : اتخرم !! هو مين ؟؟

الاول : عاوز اسبرين !! ليه عندك صداع ؟؟

الثاني : قراع !! ينهار اسود .. ده مرض خطير

الاول : لا والله مش عايز .. و بعدين مش بحب الفطير .. تقيل عالمعدة .. و ثمنه غالي

الثاني : خالي ... انت تعرف خالي ؟؟ ده راجل كبير في السن

الاول : الجن ... نهارك مش فايت .. انت عليك عفريت .. ؟؟!!

الثاني : لا والله .. ممعاييش .. انت عايز كبريت ليه .. عايز تولع ؟؟

الاول : أدلع !! أدلع عليك انت !!؟ انت ما تملاش عينيا

الثاني : يقبضوا عليّا ليه ؟!

الاول : انت غريب يا راجل انت .. شكلك شحات (بيشدو من القميص) روح اشتغل شغلة تاكل منها عيش

الثاني : خيش .. والله ده صوف انجليزي



بيمر شاويش من بتوعنا ... يلفت انتباه الحوار : بتعمل ايه يا جدع منك له ؟؟


الاتنين
: أيوة يا شاويش .... احنا مستنيين الاتوبيس

الشاويش :جواسيس ... نهاركم مش فايت!!! قدامي على القسم..


هههههههههههههههههههههههههه

حتى الشاويش افندي طلع اطرش

مع تحياتي

ZILZAL AL-HACKER